Simon Issát Marainen Govven: Anne Gerd Lehn

Les på norsk

Dán jagi čalmmusteapmái leat mii bidjan oktii logaldallama, máidnasa ja govvaspealu Sámi eallimis. Simon Issát Marainen lea ruoŧa-sámi poehta, juoigi, komponista, kulturbargi, boazodoalli ja vokalista ruoŧa-dáža jazz- ja popjoavkkus, Ára. Son lea midjiide ráhkadan filbma mas son juoigá ja lohká iežas teavsttaid. Muitala maiddái álbmotbeaivvi ja ávvudeami birra. Stina Fagertun lea ráhkadan digitála muitalusbottu duostilis nieidda birra ja su mátkki gávdnat beaivváža rieggá ovdal go lea menddo maŋit. Sigbjørn Skåden kåseriija Nils Aslak Valkeapää birra dađibahábut ii šatta. Leat bargamin oažžut juoga eará.

Govviduvvon olggobealde Einar Isaksena gávppi Kárášjogas. Govva čájeha ealaskas eallima olggobealde gávppi dálvet. Govven: Gávpeeaiggát Einar Isaksen Kárášjogas govvačoakkáldat

Min govvavuorkká Čáhcesullos lea ráhkadan govvaspealu muhtin govain gávpeeaiggát Einar Isaksena Kárášjogas govvačoakkáldagas. Govaid bokte dovddiidat Kárášjoga beaivválašeallimis ovdal ja maŋŋel soađi. Digitála museas lea dus vejolašvuohta geahčat olles govvačoakkáldaga ja mii ávžžuhat olbmuid muitalit dieđuid govaid birra Digitála musea bokte.

Mii leat maiddái bidjat oktii govvaspealu ođđa sámi girjjiiguin. Govvaspealu čájehuvvojit diehtošearpmain johtilisfatnasiin, terminálain, bussiin ja Facebookas.

Govvačoakkáldat lea ovddežis ráhkadan govvaspealu Poastta-Máhte birra, ja su doaimmaid birra Finnmárkkus. Dát lea geavahuvvon eará čalmmustemiin Finnmárkkus, muhto sii geat eai leat oaidnán dahje geavahan dán, de lea vejolaš juogadit dan iežas Facebook-siiddus.

Geavaheapmi ja áigegáržžideapmi
Girjerádjosiid sávaldagaid dihte ja koronadili ektui, de leat vuoruhan digitála buvttademiid dán jagi. Filmmat ja govvaspeallu guhkkodat molsašuvvá ja lea vejolaš geavahit doaluin girjerádjosis dahje iežas neahttasiiddus ja Facebooksiddus. Filmmat leat olámuttos vahkku vihtta ja guhtta ja sáhttá geavahuvvot girjerádjosiin. Govvaspealus ii leat áigegáržžideapmi ja sáhttá geavahuvvot jus muitala ahte fylkkagirjerájus lea ráhkadan daid.

Filmmat ja govvaspealut leat olámuttos fargga Sámi girjerájusbálvalusa bloggas. Doppe leat, earet go sámi girjjiid oppalašgeahčastat, čohkkejuvvon podkástat, filmmat (filbma rávdnjenbálvalus) ja eará resurssaid maid sáhttá geavahit čalmmustahttit beaivvi. Blogga ođasmahttojuvvo dađistaga.